НАТО-ның Еуропадағы Біріккен қарулы күштерінің Бас қолбасшысы, генерал Кристофер Каволидің мәлімдеуінше, Украина ресейлік әскерилерге қарсы қарымта шабуыл жасау үшін жақсы позицияда тұр.
Генерал жүргізілген модельдеу бойынша украиндықтар тұтқиылдан шабуыл жасауға дайын екенін және нәтижелі болатын қарымта шабуылға шыға алатынын айтты. Сондай-ақ, Каволи Украинаға қарсы соғыста өте көп шығындарға қарамастан Ресей әскері әлсіремегенін айтты.
Ол Ресейдің құрлық әскерлері мен әскери-әуе күштерін қоса алғанда, бірқатар мүмкіндіктерді қолдана алатынын атап өтті. Дегенмен генерал Украина сәтті қарымта шабуылға шығу үшін уәде етілген техника жеткізілетініне сенім білдірді.
Ол бұл туралы АҚШ Конгресі Өкілдер палатасының қарулы күштер жөніндегі комитетінің тыңдауы кезінде осылай деп мәлімдеді.