АҚШ Федералдық тергеу бюросы (ФТБ) Twitter-аккаунтында өзінің сайтында орналастырылған “Сиондық данышпандардың хаттамаларына” сілтеме жариялап, әлеуметтік желілерде қатты сынға ұшырады.
Бұған дейін ФТБ электронды кітапханасының сайтында орналастырылған 139 беттік антисемиттік құжатқа сілтеме сәрсенбі, 19 тамыз күні кешкісін Twitter-дегі бюроның парақшасында пайда болды. Бұл ретте ведомство тарапынан “Хаттамаларда” жазылған бекітулерді айыптайтын және антисемиттік көзқарастардың қолайсыздығын атап көрсететін ешқандай түсініктемелер болған жоқ. Осының салдарынан көптеген әлеуметтік желі қолданушыларының арасында жарияланым наразылық тудырды. Атап айтқанда, кейбіреулерге мұндай материалдарды ешқандай ескертусіз орналастыра отырып, ФТБ іс жүзінде қоғамда еврейлерге қарсы пікірлердің таралуына ықпал етеді және оларға қосымша жарнама жасайды деп көрінді.
“Керемет. Антисемиттік шабуылдар аз болғандай “… – деп ашуланды Twitter қолданушыларының бірі. “Мемлекеттік қызмет аккаунты тарихтағы ең антисемиттік құжатпен бөлісті”, – деді ол. Сондай-ақ, ФБР-дың жарияланымына Аушвиц-Биркенау мемлекеттік мұражайында наразылық білдіріп, онда мұндай құжаттарды кез-келген контекстен тыс орналастыруға болмайды деп айыптады.
Кейіннен ФБР өзінің жарияланымын алып тастап, көңіліне тиген адамдардан кешірім сұрады. Ведомство хабарлағауынша, жарияланым бот арқылы жасалды, сондықтан ешқандай түсініктеме берілген жоқ.
“Сиондық данышпандардың хаттамалары” – XIX ғасырдың аяғы мен XX ғасырдың басында жасалған, еврейлердің әлемдік үстемдікті жаулап алу жөніндегі жоспары сипатталған мәтіндер жинағы. Осы мәтіндер жазылған кітаптарды таратуға америкалық өнеркәсіпші және Ford Motor Company негізін қалаушысы Генри Форд ықпал етіп, жинақтың шамамен 500 мың данасын шығаруды қаржыландырды. Кейінірек “Сиондық данышпандардың хаттамалары” неміс қоғамындағы еврейлерге деген өшпенділік деңгейін арттыру үшін нацистік Германияның насихаттаушылары қолданды.
Тарихшылар “Хаттамаларды” мистификация деп есептейді, ал астыртын теорияны жақтаушылар мәтіндер шынайы деп есептейді. Ресейде “Сиондық данышпандардың хаттамалары” экстремистік материалдардың федералдық тізіміне енгізілген.
