Ақмола облысының сыбайлас жемқорлыққа қарсы қызметі ауыл шаруашылығы саласындағы қаржылық бұзушылықтарды тексеру нәтижелерін жариялады. Ауыл шаруашылығын субсидиялау саласына мониторинг барысында 88,2 млн теңге сомасында қосарланған төлемдер анықталып, 74 млн теңге мемлекетке қайтарылды.
Брифингте Ақмола облысы бойынша сыбайлас жемқорлыққа қарсы агенттік департаменті басшысының бірінші орынбасары Айдос Жақиялин ауыл шаруашылығы кешенін жеткілікті қаржыландырылмауы және Gosagro.kz мемлекеттік ақпараттық жүйенің жетілмегендігі сияқты негізгі проблемаларды атап өтті.
Мониторинг нәтижесінде Gosagro.kz. платформасындағы техникалық кемшіліктерге байланысты субсидиялауға 29 өтінім бойынша қосарланған төлем жағдайлары анықталды. Департамент ауыл шаруашылығы басқармасының басшылығымен кеңес өткізіп, мемлекетке негізсіз субсидияларды қайтаруды ұсынды. Қазіргі таңда бюджетке 74,4 млн теңге қайтарылды.
Сонымен қатар, жер учаскелерін бөлу және құрылыс саласындағы жүйелі сыбайлас жемқорлық тәуекелдері анықталды. Сыбайлас жемқорлық тәуекелдерінің картасын іске асыру шеңберінде облыстық Антикор ерекше бақылауға алынған 15 проблемалық объектінің құрылысы мен реконструкциясының барысына мониторинг жүргізуде.