Ұлттық банк әр өңірдегі қазақстандықтардың жаңа жылдық дастарханының құны қанша болатынын есептеді. Мазаққа қалмау үшін ас мәзіріндегі азық-түліктің санын да, олардың базардағы бағасын да көрсетпеуге тырысқан сияқты. Ұлттық банктің желтоқсан айындағы есебінде мерекелік дастархан құнын бағалау мониторинг жүйесімен жүргізілгені көрсетіледі. Осылайша, Қазақстанда әдеттегідей не орын алсада оған компьютер айыпталады.
Сонымен, қаржыгерлерге талдау жасау үшін деректерді жақын жердегі супермаркет немесе базардан емес, Galymzhan тұтыну бағасының мониторингі мен сараптама жүйесі ұсынды, деп хабарлайды Ұлттық банктің желтоқсан айындағы баяндамасында.
Сараптамаға жүйеде бар қалалар (Нұр-Сұлтан, Алматы, Шымкент, Қарағанды, Өскемен, Павлодар) қосылды, ал жаңа жылдық мәзір сараптамалық түрде жасалды.
Жаңа жылдық дастарханның құны Қазақстан бойынша отбасының орташа санын есепке ала отырып есептелді — төрт адам. Есептеулерде Galymzhan жүйесінен 2020 жылғы 20 желтоқсандағы жағдай бойынша орташа баға пайдаланылды.
Сараптама көрсеткендей, елімізде жаңа жылдық дастарханның құны орташа есеппен 21 108 теңгені құрайды. Елорда тұрғындары дастарханға ең көп қаражат жұмсайды — 23 117 теңге, ал ең аз — Павлодар тұрғындары (19 195 теңге), онда ет бағасы еліміздегі ең төмен бағалардың бірі болып қала береді. Ұсынылған қалалар бойынша сарапшылар Шымкент қаласын бөліп отыр, онда жалақы ең төмен, алайда жаңа жылдық дастархан Қарағанды мен Павлодарға қарағанда қымбатқа жайылады.
Сондай-ақ, Ұлттық банк өңірлер бойынша халықтың сатып алу қабілетінің жанама индексін есептеді, ол өңірдегі орташа жалақыға сатып алуға болатын «жаңа жылдық дастархандар» санын білдіреді. Ең жоғары сатып алу қабілеті Нұр-Сұлтанда (11,54 үстел), ең төмен — Шымкентте (6,73 үстел) байқалады. Айта кету керек, Өскеменде орташа айлық атаулы жалақы республика бойынша орташа мәннен төмен болғанына қарамастан, қала тұрғындары 9,44 «жаңа жылдық дастархандарды» жаюға жағдайы жетті, бұл еліміз бойынша есептелген индекстің орташа мәнінен асады.