Инфляцияны анықтайтын пайыздардың артында елдегі азық-түлік пен басқа да тауарлар құнының өсуі тұр. Осылайша, инфляцияның 6,3%-ы СҚО тұрғындары үшін азық-түлік бағасының 30%-ға қымбаттауына әкелді.
Солтүстік Қазақстан облысының статистика департаменті инфляцияның деңгейін есептеді. Қаңтар-қарашада ол 6,3%-ды құраған
Ведомствоның мәліметінше, жыл басынан бері өңірде азық-түлік бағасы 9%-ға, азық-түлікке жатпайтын тауарлар 4,8%-ға және ақылы қызмет көрсету 3,6%-ға өсті. Жұмыртқа 30%-ға, жарма 28%-ға және қант 27%-ға қымбаттады.
Ұн бағасы 19%-ға, май — 17%-ға, макарон мен сүт — орта есеппен 11%-ға өсті. Ет, балық және теңіз өнімдерінің, кондитерлік өнімдердің, жемістердің бағасы өсті. Күріш 13%-ға арзандады. Көкөністің бағасы аздап төмендеді. Құрылыс материалдары, фармацевтикалық өнімдер, тазалау және жуу құралдары, үй тұрмысы заттары, тұрмыстық техника, киім мен аяқ киім, кітаптар мен кеңсе тауарлары 4-10% шегінде қымбаттады.
Домофонды пайдаланғаны үшін төлемақы шамамен 13%-ға өсті. Медициналық қызметтер, құқықтық және сақтандыру бағаларының өсуі тіркелді. Тұрмыстық аспаптарды, аяқ киім мен зергерлік бұйымдарды жөндеу қымбаттады. Қарашада ең төменгі күнкөріс деңгейі 31 161 теңгені құрады. Халықтың жан басына шаққандағы тұтыну себеті 2019 жылғы желтоқсанмен салыстырғанда 13,7%-ға өсті.