Дональд Трамп Байденнің қызметіне кірісуіне арналған салтанатты шараға қатыспайтынын мәлімдеді. Оның орнына, ол Флоридадағы жақтастарының алдында 2024 жылғы сайлауға қатысатынын жариялау үшін митингіге барады.
Амкерикандық БАҚ Трамп Байденді Ақ үйде қарсы алып, инаугурацияға қатыспайды, оның орнына Флоридада жақтастарының алдында ауқымды митинг өткізіп, онда ол 2024 жылғы президенттік сайлауға қатысатынын жариялайтын болады деп хабарлайды.
Басылым Трамп «бұрынғы тележұлдыз» болғандықтан, әлеуметтік қашықтық нормаларын сақтай отырып, Вашингтондағы жаңа президенттің ант беру рәсімі мен оның Флоридадағы үлкен топ алдында сөйлеген сөзі арасында телекөрермендердің назарын аударатын жағдай туғызбақшы деп есептейді.
Ресми түрде Ақ үйде Трамптың мұндай жоспарлары туралы ақпаратты растамайды. «Президенттің не жоспарлап отырғанын немесе жоспарламағанын білетінін айтатын жасырын дереккөздер ешнәрседен хабары жоқ[шын мәнінде не болатыны туралы]. Президент Трамптың 20 қаңтарда жариялауы керек болатын жоспарлары шыққан кезде, ол сіздерге хабарын береді», — деп Axios Ақ үй баспасөз хатшысының орынбасары Джадд Дирдің сөзін келтіреді.
АҚШ-та жалпы сайлау 3 қарашада өтті. Байден өзінің жеңісі туралы жариялады. АҚШ әкімшілігінің жалпы мәселелер жөніндегі бейінді басқармасы оны президент болып сайланды деп таныды және келесі американдық көшбасшының қызметіне кірісуі шеңберінде істерді қабылдауды бастау және тапсыру үшін қажетті бюджет қаражатын оның командасына беруге дайын екендігі туралы жазбаша нысанда хабардар етті.
Дегенмен, Трамп жеңілгенін мойындамай, сайлаушылардың дауысын қайта санауды талап етіп сотқа жүгінуге ниетті екенін мәлімдейді, себебі оның пікірінше, сайлауда демократтар тарапынан көптеген заң бұзушылықтар орын алған.