Ресей Қырымды аннексиялағаннан кейін ресейліктердің Путинге қолдауы бұрын-соңды болмаған деңгейде өсті, дейді батыстық саясаттанушылар. «Бұл Путинге өз билігін нығайтуға және осындай жоғары қолдау арқылы ұзақ жылдар бойы ел президенті болып қалуға мүмкіндік берді. Ресейліктер Путинді мықты көшбасшы деп есептеді, сондықтан РФ-да Путин режимі тұсындағы айқын проблемаларға қарамастан, оның президент болып қалуын құптады. Украинадағы соғыс та осындай нәтижеге қол жеткізуге негізделген. Дәл осындай мақсатпен — ресейліктердің қолдауын арттырып, сол арқылы Путин билік басында ұзақ уақыт қалу үшін Украинада арнайы операция бастады. РФ президенті ресейліктердің алдында ұлы көшбасшы болып көріну үшін оңай жеңіске жететін соғыс бастау керек болды. Бұл 2024 жылдың көктемінде өтетін президент сайлауының алдында таптырмас мүмкіндік еді», — деп хабарлайды сарапшылар.
Бұдан әрі олар қазір қалыптасқан жағдайға талдау жүргізді. «Қазіргі таңда соғысты ауқымды емес деп айтуға ауыз бармайды. Сондай-ақ, Путин оңай жеңіске жете алмады. Шын мәнінде, Путиннің президенттік сайлауалды науқаны жақында басталады. Ол қандай жетістіктерімен мақтанады екен? Қарастырып көрейік», — дейді саясаттанушылар.
Фото: Путиннің президенттік сайлауалды науқаны жақында басталады. Ол қандай жетістіктерімен мақтанады екен? Қарастырып көрейік
Сарапшылар қолда бар деректерді негізге ала отырып, осындай қорытындыға келді: «Путиннің арқасында Ресей әлемнен оқшауланды. Күллі өркениетті әлем РФ-ны террористік мемлекет деп сипаттайды. Қазіргі таңда Ресей мәртебесі бойынша Иран және Солтүстік Корея секілді мемлекеттермен бір орында. Ресей президенті салдарынан экономика мүшкіл халде, ресейліктер жұмыс орындарын айырылуда, халықтың күнкөріс деңгейі барған сайын төмендеп барады. Оның кесірінен күн сайын жүздеген ресейліктер қанды және мәні жоқ соғыста жер жастануда. Еске сала кетейік, түрлі бағалаулар бойынша ресейліктердің адами шығыны шамамен ширек миллион адамды құрайды және бұл соғыс басталғалы небәрі бір жарым жыл ішіндегі көрсеткіш. Мәселен, Украина тарапы Ресей әскері қатарынан қаза тапқандар саны шамамен 260 000 сарбазды құрайды. Ресей-Украина соғысында қаза тапқандар саны 10 жылға созылған Ауғанстандағы соғыстан кеңестік әскердің және бірінші және екінші шешен соғысы кезінде Ресей әскерінің шығындарынан асып түсті. Өте көп адами шығындар мобилизация жариялауға түрткі болды, Путин режимі ерте ме, кеш пе, мобилизацияның екінші легін жариялауы әбден мүмкін. РФ-дағы жасырын жүргізіліп жатқан мобилизация бір күнге де тоқтаған жоқ. Мәселен, украиналық барлау өкілдері РФ-да ай сайын 20 мыңға жуық азаматты жұмылдырып жатқанын айтып отыр».
Ол мұндай «жетістіктерімен» халық қолдауынан айырылады, дейді саясаттанушылар. «Әрине, сайлау нәтижесін қайта бұрмаласа болады, бірақ Ресей халқы бұл жолы бүкіл ел болып жаппай наразылыққа шығуы мүмкін. Себебі, әрбір ресейлік соғыстың салдарын және барлығына қауіп төніп тұрғанын түсінеді.
Фото: Путиннің президенттік сайлауалды науқаны жақында басталады. Ол қандай жетістіктерімен мақтанады екен? Қарастырып көрейік
Сол себепті бұл парадоксалды болғанымен, Путин билігі соғысты жалғастырмай, дереу бейбітшілікке келуі мүмкін. Түрлі сауалнамалардың нәтижелеріне сәйкес, ресейліктердің кем дегенде жартысы Путиннің соғысты дереу тоқтату туралы шешімін қолдады. Басқаша айтқанда, ресейліктердің кем дегенде 50%-ы соғысшыл риторикасыз, ядролық шабуыл, мобилизация және т.б. туралы әңгімелерді қойып, қалыпты өмірге оралғысы келеді», — деп сендіреді олар.
Сарапшылар өз пікірлеріне сүйене отырып, осындай пікірге келді: «Бұл Путин үшін жалғыз дұрыс жол. Соғыстың жалғасуы жағдайды ушықтырып, Ресей қоғамындағы наразылықтың өршуіне алып келеді».