Ресей Федерациясының Бас прокуратурасы әскери комиссариаттардың өртеу жағдайларына қатысты ескерту жасап, бұл террористік акті немесе диверсия юолып сараланатынын хабарлады. Telegram-дағы ресми каналда ведомство бұл ғимараттарды Ресей азаматтары Украинадан телефон арқылы алған нұсқаулар бойынша өртеген болуы мүмкін екенін атап өтті.
Жағдайды талдау нәтижесінде белгілі болғандай, Киев режиміне қатысы бар тұлғалар өздерін құқық қорғау органдары мен банк қызметкерлері ретінде таныстырып, азаматтарды қылмысқа итермелеген. Бас прокуратура мұндай телефон қоңыраулары ел азаматтаын заңға қайшы әрекеттерге, оның ішінде террористік акті жасауға бағытталғанын атап өтті.
Орган сондай-ақ мемлекеттік нысандарды өртеу, қопару және басқа да қасақана қирату актілері Ресейдің қылмыстық заңнамасына сәйкес терроризм немесе диверсия ретінде бағалануы мүмкін деп қауіптенетінін білдірді. Бас прокуратура азаматтарды заңды сақтауға және ел қауіпсіздігіне қатер төндіруі мүмкін кез келген әрекеттерден бас тартуға шақырды.