Семейде кәсіпкерлер Шығыс Қазақстан облысында карантиннің күшеюіне байланысты наразылық акциясына шықты. Олар жеңілдетуді талап етеді.
Шағын және орта бизнес саласының 50-ден астам өкілдері қала әкімі Ермак Сәлімовпен кездесті.
Кездесу барысында Шығыс Қазақстан әзірге қызыл аймақта тұрғаны, науқастар саны өсіп жатқаны, ешқандай жеңілдетулер туралы сөз қозғауға болмайтыны атап өтілді.
Оның үстіне, билік өкілдері кәсіпкерлердің өздері өз беделін түсіріп, сенімге нұқсан келтіргенін бірнеше рет атап өтті.
Екінші толқын кезінде наурыз-маусым айларындағы сияқты қатаң шаралар қабылданбады. Бірақ кәсіпкерлер соның өзінде бұзушылыққа жол береді. Соңғы мысал — Семейдегі мейрамханалардың бірінде «құпия» үйлену тойын өткізуі, онда белгілі спортшылар, өнер адамдары, көшбасшы жастар, бизнесмендер мен шоумендер жиналды. Айта кетерлігі, заңсыз мерекеге қатысқандардың кейбірі коронавируспен ауырғандардың қатарында. Жерлестерімізге барлық ережелерді сақтау қажеттілігі туралы үндей тастадық. Алайда, бұл оларға кедергі келтірмеді, барлық тыйымдар мен шектеулерді бұзып, той өткізді.
Өкінішке орай, бұндай жағдай біреу ғана емес.
Бұл кезеңде барлық дерлік кәсіпкерлерге уақыт пен адам саны бойынша шектеулер бойынша ара қашықтықты, бетперде режимін және дезинфекциялық шараларды сақтай отырып, жұмыс істеуге мүмкіндік берілгеніне қарамастан кейбір бизнес өкілдері өздері бұрынғыдай жұмыс істеуге және карантинді жеңілдетуді талап ете аламыз деп есептейді. Мұндай қарым-қатынаспен олар бизнес субъектілеріне деген сенімді жоққа шығарып қана қоймай, COVID-19 таралуына өздері де ықпал ететінін түсіну керек. Семей кәсіпкерлерімен кездесуде COVID-19 жағдайы тұрақталғанға дейін жеңілдіктің болмайтыны туралы биліктің нақты ұстанымы айтылды. Себебі біз тек осылай ғана қауіпті инфекцияның таралуын алдын ала аламыз.