Құрғақ шөптің өртенуіне байланысты қалалық қоғамдық денсаулық сақтау басқармасы қала тұрғындарын көшеге қажетсіз жағдайда шықпауға шақырады. Сондай-ақ, пәтерлердің терезесін жабуға және көшеде, әсіресе тыныс алу органдарының аурулары бар адамдарғаға маска тағып жүру ұсынылады. Денсаулық сақтау министрі Ажар Ғиният жүкті әйелдер, балалар, қарттар және созылмалы аурулары бар адамдарға сақтық шараларын сақтаудың маңыздылығын атап өтті.
Астана қаласы Санитарлық-эпидемиологиялық бақылау департаменті қара түтіннен қорғану үшін бірнеше кеңес айтты, соның ішінде үй-жайда таза сүзгісі бар кондиционерді пайдалану, бөлмелерде сумен ауаны ылғалдандыру, терезелерді ылғалды матамен жабуды, сондай-ақ су ішуді ұсынады.
Өрт сөндіру қызметтері қызыл жалын шарпыған 15 гектар аумақта белсенді жұмыс істеп жатыр. Қызыл жалынмен арпалысуға 140-тан астам маман мен 40 бірлік техника жұмылдырылды. Синоптиктер кешке қарай қатты жауын-шашын, найзағай, бұршақ жаууы мүмкін деп отыр, бұл өртті сөндіруге септігін тигізуі мүмкін.