22 мамырда Ресей Федерациясының Белгород облысында елемеуге болмайтын оқиға орын алды. Ресей Федерациясының аумағына Украина жағында соғысып жатқан Ресей азаматтарының «орыс еріктілер корпусының» жауынгерлер тобы кірді. Түрлі мәліметтер бойынша Ресей аумағына ауыр техниканың қолдауымен «ОЕК» жауынгерлерінің шамамен бір ротасы кірді. Ресей аумағына «орыс еріктілер корпусының» кіруі Украинаның Қарулы Күштерінің РФ аумағына кіргенімен пара-пар келетінін түсіну керек, себебі «ОЕК» Украинаның Қорғаныс министрлігіне бағынышты және ресми украин шенділері бұған Киевтің ешқандай қатысы жоқ деп мәлімдеп жатқанына қарамастан, олар өз әрекеттерін ел билігімен келіседі.
Неліктен ресейліктер бұл оқиғаны елемеуі керек? Өйткені Владимир Путин тәуелсіз мемлекет аумағында басталған соғыс қимылдары Кремльдің бақылауынан шығып барады. Енді Ресейдің Украинамен шектесетін қалалары әр түрлі ұрыс қимылдарының орнына айналуда. Шын мәнінде РФ аумағында соғыс отын тұтандырған Путиннің өзі.
Фото: Батыс сарапшылары Ресей шекарасында шабуыл жиілеуі мүмкін деп мәлімдеді
Еске алайық, ресейліктер үшін 15 ай бұрын мүмкін емес болып көрінген жағдай, қазір қалыпты болып отырған не? Мәселен, Украинамен шектесетін ресейлік аумақтарды атқылау. Бұған дейін атқылаулар туралы ресейлік БАҚ-тар жарыса жазған болатын, ал енді толыққанды соғыс қимылдары басталғалы бір жыл өткеннен кейін шекара маңындағы аумақтардағы атқылаулар қалыпты жағдайға айналды. БАҚ көп жағдайда бұны елемей, атқылауларға назар аудармауда. Сондай-ақ ресейліктер үшін РФ-ның түрлі әскери және инфрақұрылымдық нысандарына жауынгерлік ұшқыштардың шабуылы қалыпты жағдайға айналды. Бұрын осындай шабуылдар ресейліктер арасында қорқыныш, дүрбелең мен хаос тудырған болса, онда қазір бұл жаңалықтарда жай ғана айтылып өтетін тақырып болды. Бұл ретте жауынгерлік дрондар тек шекара маңындағы аумақтарға ғана емес, Ресейдің ішкі қалаларына да шабуыл жасауда. Ресей қалаларының бірінің орталығында авиациялық 500 келі болатын бомбаның құлауы да ресейлік БАҚ үшін маңызды оқиға болмағанын айта кеткен жөн.
Ресей билігі мен БАҚ өкілдері «орыс еріктілер корпусына» қатысты оқиғаға қандай реакция білдірді? Ресей билігі ештеңе болмағандай түр көрсетті. Ресей президентінің баспасөз хатшысы Дмитрий Песков Ресей азаматтарына Владимир Путин Ресей шекарасынан жаунгерлердің өткені туралы хабардар екенін айтты. Өз кезегінде Путин РФ Қауіпсіздік кеңесін жинамады. БАҚ беттерінде де ерекше ақпараттық шу болған жоқ және бұл оқиғаға назар аударылмады.
Фото: Батыс сарапшылары Ресей шекарасында шабуыл жиілеуі мүмкін деп мәлімдеді
Мұндай реакция кем дегенде екі нәрсені білдіреді. Біріншіден, бұл соңғы шабуыл емес, олар арта түседі және олар Ресей тұрғындары үшін жүйелі құбылыс ретінде қабылданады. Екіншіден, мұндай оқиғалар дрондардың шабуылы, шекара маңындағы қалаларды артиллериялық қарулармен атқылау немесе Ресей қалаларына авиациялық бомбаларды тастау секілді қалыпты оқиғалар болып қалады.