SCAT әуе компаниясының басшылығы Шымкент әкімдігі мен қала әкімін әуежайды сатқаны үшін соттауға шешім қабылдағаны белгілі болды.
Қалалық әкімшіліктің үшінші мегаполистің әуе айлағын сауда-саттыққа шығару туралы шешімі сот ісіне себеп болды. Шенеуніктер мұндай қадамды әкімдік балансында тұрған әуежай қала бюджетіне салмақ түсіреді деп түсіндірді. Шымкент қаласы әкімінің орынбасары Мақсұт Исаховтың айтуынша, республикалық маңызы бар қала әуежайы өзін-өзі ақтауы тиіс.
Әуе айлағын сатып алатын инвестор ұшу-қону жолақтарын жөндеуге және қажетті техниканы сатып алуға қаражат салуы керек, сондай-ақ жұмыс орындарын сақтауы керек, деді Исахов. Ал 10 жыл ішінде порттың жаңа иесі сатып алудан бөлек, алты миллиард теңге инвестиция салуы тиіс, ол бес миллиард теңгеге түседі.
SCAT әуе компаниясы Шымкент әуежайының негізгі инвесторы болып табылатынын мәлімдеп, оны сатуды тоқтатуды талап етті. Себебі, компания екі жыл бойы өз есебінен жаңа терминал салуда, ол жолаушылар ағынының бір бөлігін алып, әуежай ғимаратынан шығаруы тиіс. Жаңа терминал салу туралы меморандумға авиакомпания Шымкент әкімдігімен 2018 жылы қол қойған болатын. Енді жаңа әкім Мұрат Әйтенов алдыңғысының шешімін елемей, әуежайды сатуға шешім қабылдады.