Алматы қаласы Медеу ауданындағы түнгі клубта синтетикалық есірткі сатумен айналысқан есірткі сатушы ұсталды.
Полицейлер мен жедел уәкілдер күдіктіні жеке тінту кезінде одан қара изолентаға оралған бума тәркіленді, оның ішінде ерекше иісі бар ақ түсті ұнтақ түріндегі синтетикалық есірткі болды
Күдіктінің айтуынша, ол “чекті” таныс қызының өтініші бойынша сатып алған. Алайда, жедел деректерге сәйкес, ол – осыған ұқсас қылмысты бірнеше рет жасаған есірткі сатушысы.
Тергеу органдары аталған фактіні ҚР ҚК 297-бабы бойынша сотқа дейінгі тергеудің бірыңғай тізіліміне тіркеп, бірқатар арнайы сараптамалар тағайындады. Бұдан басқа, Күдіктінің бұрын жақын маңдағы түнгі клубта диджей болып жұмыс істегені белгілі болды, оған қоса, ол адамды тонағаны үшін жазасын өтеген.