Албанияда ресейлік блогер Светлана Тимофееваны тыңшылық жасады деген айыппен ұстады, содан кейін ол Ресейдің Украинаға қарсы соғысын сынға алғаны үшін өз отанында қудалануы мүмкін екенін алға тартып, саяси баспана сұрады.
Қазір Тимофеева Албанияда түрмеде отыр және сот шешімін күтіп отыр. Ол өзінің кінәсін жоққа шығарып, «қырғи-қабақ соғыс» кезіндегі қараусыз қалған ғимараттарды зерттеумен айналысқанын айтады.
Ресейде оған осыған ұқсас айып тағылып, оны экстрадициялауды сұрады. Албанияның Әділет министрлігі экстрадициялауға келісім берді, бірақ шешім әлі де сотта қаралуда.
Тимофееваның айтуынша, Ресей билігі оны соғысқа қарсы ұстанымы үшін жазаламақ және оның адвокаты блогер Ресейге экстрадицияланатын болса ол азапталуы мүмкін екенін айтып отыр.