The Times of Israel газетінің хабарлауынша, Израиль премьері Биньямин Нетаньяхуның төңірегіндегілер Израильдегі үкіметке қарсы жаппай наразылық шаралары шетелден қаржыландырылды деп санайды.
Израиль үкіметіндегі дереккөздер наразылық шаралары жоғары деңгейде ұйымдастырылғанын, ал оған миллиондаған доллар болатын қаржы бөлінгенін айтады.
Бұл ретте, бұл тұжырымдарды растайтын ресми дәлелдемелер келтiрiлмедi. Израиль мен АҚШ арасындағы қарым-қатынас Нетаньяху премьер лауазымына қайта оралғаннан кейін ушықты. Алайда, бұған не себеп болғаны туралы толық ақпарат айтылмады.