Қазақстан билігі Ресейден Қытайға газ құбырын салуға қатысты мәселені пысықтап жатыр
Бұл туралы ҚР Энергетика министрі Болат Ақшолақов хабарлады.
«Бүгінгі таңда «QazaqGaz» «Газпроммен» бірлесіп, «Ресей Федерациясы – Қазақстан Республикасы – Қытай Халық Республикасы» халықаралық газ құбырын салу мәселелерін зерделеу үшін алдын ала ТЭН әзірлеу мәселесін пысықтауда», — деді Ақшолақов сәрсенбі күні өткен үкімет отырысында баяндамасында.
Оның айтуынша, бұл Қазақстан мен Ресей арасындағы газ саласындағы ынтымақтастық жөніндегі жол картасы шеңберінде Ресей газ импортының екінші нұсқасы.
Қазақстанның шығыс өңірлерін газдандырудың бірінші нұсқасы, оның мәліметінше, «Қостанай – Астана – Павлодар – Семей – Өскемен» бағыты бойынша газ құбырын салу, бұл қомақты қаражат салуды, салынған инвестициялардың өтемділігін қамтамасыз ету үшін тұтынушыларға газ тарифтерін ұлғайтуды, сондай-ақ газ кен орындарының жаңа ресурстарын игеруге тарту қажет, ал барлау мен іске қосқанға дейін орташа есеппен 7-10 жыл уақыт кетеді.