Қазақстанда биылғы айда кинотеатрлар қайта жұмыс істей бастайды. Ал сауда орталықтары, базарлар демалыс күндері жұмысын жалғастыра алады.
ҚР Премьер-Министрі Асқар Маминнің төрағалығымен ҚР аумағында коронавирустық инфекцияның таралуына жол бермеу жөніндегі ведомствоаралық комиссияның (ВАК) селекторлық отырысы өтті. ҚР Президенті Қасым-Жомарт Тоқаевтың тапсырмасына сәйкес қарсы іс-қимыл бойынша қосымша шаралар қаралды COVID-19, — делінген үкімет сайтында.
Еліміздегі санитарлық-эпидемиологиялық ахуал туралы Денсаулық сақтау министрі Алексей Цой, зертханалық қызметтер мен жеке қорғану құралдарының баға саясатына мониторинг жүргізу жұмысы туралы Бәсекелестікті қорғау және дамыту агенттігінің төрағасы Серік Жұманғарин, санитарлық талаптардың сақталуын бақылау туралы Ішкі істер министрі Ерлан Тұрғымбаев, ақпараттық-түсіндіру жұмысы туралы Ақпарат және қоғамдық даму министрі Аида Балаева, өңірлердегі ахуал туралы Солтүстік Қазақстан облысының әкімі Құмар Ақсақалов пен Павлодар облысының әкімі Әбілқайыр Сқақов баяндады.
Қазақстанда 18 қазандағы жағдай бойынша 102 жаңа КВИ жағдайы тіркелді (өсу қарқыны — 0,09%), жұқпалы ауруларға арналған төсектер 16% жүктелген. 14-18 қазан аралығында репродуктивтілік көрсеткіші 1,03%-дан 0,96%-ға дейін төмендеді.
Соңғы 3 аптада елімізде 17 мыңға жуық рейд жүргізіліп, 7 мыңнан астам карантиндік тәртіп бұзушылық анықталды.
Үкімет басшысы тұрғындардың әлі күнге дейін коронавирустың қаупінен толық сақтанбайтынын, әлеуметтік ара қашықтықты сақтау режимі мен әсіресе, қоғамдық орындар мен көліктерде міндетті түрде бетперде тағу мәселесінде санитарлық талаптардың жеткілікті сақталмайтынын атап өтті.
Осыған байланысты Үкімет басшысы азаматтар арасында ақпараттық-түсіндіру жұмыстарын жандандыруды және санитарлық талаптардың сақталуына бақылауды күшейтуді тапсырды.
ВАК бірқатар шешімдер қабылдады:
- Шекаралық өткізу пункттерінде санитарлық-эпидемиологиялық бақылауды қатаңдату. Ағымдағы жылдың 26 қазанынан бастап шет мемлекеттердегі эпидемиологиялық жағдайды ескере отырып, шетелдік авиарейстердің саны қысқартылсын; Қазақстан аумағына келетін барлық азаматтарды (оның ішінде ҚР азаматтарын), сондай-ақ екі жақты халықаралық тасымалдауды жүзеге асыратын жүргізушілерді міндетті ПТР тестілеуден өткізуге; шетелден келушілер, оның ішінде ҚР азаматтары үшін ПТР тестінен өткені туралы анықтаманың қжарамдылық мерзімі 3 күнге дейін белгіленсін.
- ПТР-тестілеу. Биылғы жылдың қазан айының 19-нан бастап ҚР-ның көптеген аймақтық зертханаларында ПТР-тестілеу құны 9 мың теңгеге дейін төмендетілді.
- Аурудың өсуі болмаған жағдайда «жасыл» тұрақты эпидемиологиялық ахуалы бар өңірлерде бизнес субъектілерінің қызметін кезең-кезеңмен қайта жандандырылады
24 қазаннан бастап сенбі күндері сағат 17:00-ге дейін СОСО, сауда үйлері, жабық базарлар жұмыс істей бастайды.
26 қазаннан бастап кинотеатрлар қашықтықты және маска тағу режимін сақтай отырып, 30%-дан аспайтын толығумен жұмысын қайта бастайды.
4.Шектеу шараларын сақтау. Мектепке дейінгі балалар мекемелерінің, бильярд және компьютер клубтарының, ойын- сауық орындарының, банкет залдарының, түнгі клубтардың қызметіне тыйым салу сақталады. Облысаралық жолаушылар тасымалына және жалпы вагондарды қалыптастыруға тыйым салу қолданылуын жалғастырады.