Павлодар қаласының мамандандырылған әкімшілік соты зорлық-зомбылық қаупімен және оны орындау әрекетімен ұштасқан құқық бұзушылықты қарады.
Облыс орталығының 32 және 28 жастағы екі тұрғыны Академик Сәтбаев көшесіндегі жерасты өткелінде мас күйінде үш жасөспірімнен темекі сұрады. Олар жоқ деді.
Ер адамдарға бұл ұнамады. Олар балағат сөздер айтып, кәмелетке толмаған балаларды дене жарақатымен және жеке заттарына зақым келтірумен қорқытты. Балалар кездейсоқ жүргінші оларды қоршап алған сәтті пайдаланып қашуға мәжбүр болды.
Ер адамдар балаларды Астана көшесінде орналасқан «Зимняя вишня» кафесіне дейін қуып жеткен, алайда оқиға орнына келген полицейлер оларды ұстады.
«Құқық бұзушылықтар жауапкершілікті ауырлататын жағдайлар: мас күйде, адамдар тобында, кәмелетке толмаған балаларға қатысты. Құқық бұзушылардың біреуі осы бап бойынша бір жыл аралығында әкімшілік жауапкершілікке тартылған», — деп атап өтті сотта.
Екі құқық бұзушы да ӘҚБтК-нің 434-бабы бойынша кінәлі деп танылды, олардың біреуіне — 5 тәулік, екіншісіне — 7 тәулік мерзімге әкімшілік қамау түрінде жаза қолданылды.
Сот қаулысы заңды күшіне енбеген.