Украина президенті кеңсесі басшысының орынбасары Андрей Сибига Украина билігі елді қалпына келтіру үшін жоспары бар екенін айтты. Оны жүзеге асыруға бірнеше Еуропа елдері атсалысады. Украинаны қалпына келтіру үшін Дания мен ЕО да атсалыспақ.
Дания Николаев пен Николаев облысын қалпына келтіру үшін атсалысуға келісті, ал Балтық елдері Житомир облысына көмек көрсетуге дайын. Бұл туралы бейсенбі күні Украина президенті кеңсесі басшысының орынбасары Андрей Сибига мәлімдеді.
Оның айтуынша, Украина билігі елді қалпына келтіру үшін нақты жоспары бар. Бізде қазірдің өзінде нақты дәлелдер бар, оның ішінде Украина Президентінің Еуропа елдері немесе әлемнің басқа да елдері Украинаның белгілі бір жерлеріне, аймақтарына, салаларына қамқорлық жасау сияқты бастамасы бар. Ұлыбритания Киев пен Киев облысын қолдауға келіскені белгілі. Дания — Николаев және Николаев облысын. Балтық елдері Житомир облысын қолдауға дайын», — деді ол брифингте.
Сибига бұл бағытта серіктестерімен жұмыс жалғасып жатқанын айтты.
9 сәуірде Украина президенті Владимир Зеленский Ұлыбритания Киев пен Киев облысын қалпына келтіруде жетекші рөл атқаруға дайын екенін мәлімдеген. Ол бірнеше мәрте елдерді «Украинаны қалпына келтіру жобасына» қосылуға шақырды. Украина президенті соғыс аяқталғаннан кейін елді қалпына келтіру үшін Ресей және Еуропа елдері атсалысу керек деп санайды. 28 сәуірде Болгария Украинаның оңтүстігіндегі аймақтардың бірін қалпына келтіру үшін көмектесуге келіскені белгілі болды.