Ашық ақпарат көздерінен белгілі болғандай, өткен аптада сенбі күні АҚШ ҚК Штаб бастықтары комитетінің төрағасы генерал Марк Милли Украина Қарулы Күштерінің бас қолбасшысы генерал Валерий Залужныймен РФ әскери іс-қимылдарының барысын талқылады. Бұл туралы ШБК полковнигінің ресми өкілі Дэвид Батлердің жазбаша мәлімдемесінде айтылған. Оның айтуынша, Милли мен Залужный Украинадағы ресейлік арнайы операцияға қатысты «пікір алмасып, жағдайға баға берді». ШБК төрағасы «Украинаның егемендігі мен оның аумақтық тұтастығын қалтқысыз қолдайтынына тағы да сендірді». «Украина НАТО-ның негізгі серіктесі болып табылады және ұлттық егемендік пен демократиялық қағидаттарды нық ұстанады», — деді Батлер.