Қазақстан Президенті Қ.Қ.Тоқаев қазақстандық биатлоншыны Паралимпиада ойындарындағы жеңісімен құттықтады.
Еске сала кетейік! Биатлоннан ерлер арасындағы 10 шақырымдық жарыста сынға түскен Александр Герлиц үшінші орынды иеленді.
Бұл Бейжіңде өтіп жатқан Паралимпиада ойындарындағы Қазақстанның алғашқы медалі. Бұл туралы Мемлекет басшысы Twitter-дегі парақшасында жазды.
«Бейжіңде өтіп жатқан Паралимпиада ойындарында қазақстандық биатлоншы Александр Герлиц 10 шақырымдық жарыста қола жүлдеге ие болды. Бұл – Қазақстанның алғашқы медалі. Александрды шын жүректен құттықтаймын және спортта бұдан әрі қарай да табысты болуына тілектеспін!»- деп жазды Мемлекет басшысы.