Қазақстандық адвокат Айман Омарова соғыс іс-қимылдарына қатысу үшін адамдар нақты қандай елдерден келгенін айтты.
Адвокаттың айтуынша, олардың арасында Қытай, Өзбекстан және Сауд Арабиясының тумалары болған. Тәуелсіз заңгерлер «Ақиқат» қоғамдық комиссиясын құрып, қаңтардағы оқиғаларды өз бетінше тексеруде.
Тек Алматыда, олардың айтуынша, қазір 308 адам қамауда отыр. Олардың барлығы жаппай тәртіпсіздікке қатысқаны үшін ұсталды.
«Алматыдағы тәртіпсіздіктерге негізінен Қазақстан азаматтары қатысты. Дегенмен ҚХР, Өзбекстан сияқты, тіпті Сауд Арабиясының тумалары да болған. Олар Түркістан облысында тұрған. Сондай-ақ, ҚР Ұлттық қауіпсіздік комитеті қызметкерлерінің де қатысы барын жоққа шығаруға болмайды. Ведомствоның бұрынғы басшысына қарсы қозғалған қылмыстық іс бұған дәлел бола алады. Сондықтан адвокаттар қылмыстық істерді тергеуден ҰҚК-нің қызметкерлерін шеттетуді сұрайды», — делінген хабарламада.
Қазақстанда жаппай наразылық шарасы 2022 жылғы 2 қаңтарда басталды. Маңғыстау облысында Жаңаөзен мен Ақтау қаласының тұрғындары сұйытылған газ бағасының көтерілуіне қарсы шықты, наразылық шарасы басқа өңірлерді қамтыды. Елімізже жағдай тұрақтанды.
Президент Қасым-Жомарт Тоқаев республикада төтенше жағдай енгізіп, үкіметті отставкаға жіберіп, Қауіпсіздік кеңесінің тізгінін өз қолына алды. Оның өтініші бойынша ҰҚШҰ мемлекеттері Қазақстанға бітімгерлік бөлімшелерін жіберді. Қырғызстан «Скорпион» арнайы жасағын жіберді.
ҰҚШҰ-ның Қазақстандағы миссиясы сәтті аяқталды. Қырғызстаннан келген әскерилер Алматы ЖЭО-2-ні қорғады.