Ішкі істер министрлігінің ресми өкілі Нұрділда Ораз күш қолдану фактілері бойынша жеті қылмыстық іс қозғалғанын айтты. Сотқа дейінгі тергеу амалдары жүргізілуде.
«Ішкі істер министрлігі азаматтарға қатысты күш қолдану фактілерін мұқият тексереді. Әрбір факт полиция ғимараттары мен қоғамдық орындарда орнатылған бейнекамераларды талдау арқылы мұқият зерделенеді. Атап айтқанда, 27 хабарлама бойынша ҚК 146 бабы бойынша сотқа дейінгі жеті іс бойынша тергеу басталды, 20 факті бойынша қызметтік тергеу жүргізілуде», — деді Ораз дүйсенбі күні өткен брифингте.
Сонымен қатар, ол ҚР ІІМ сенім телефонына полиция қызметкерлерінің әрекетіне қатысты 72 арыз түскенін хабарлады.
«Тек өткен аптада ағымдағы жылдың 17-23 қаңтары аралығында 544 хабарлама келіп түсті, оның 448-і ақпараттық-кеңес алу сипатында, оның әрқайсысы бойынша түсінік беріліп, ұсыныс жасалды, сондай-ақ қалыптасқан жағдайларды шешу жолы түсіндірілді. Сонымен қатар, келесі бағыттар бойынша полиция қызметкерлерінің әрекеттеріне арыз түсті: Азаматтарды ұстау мен жеткізудің 46 фактісі, оның ішінде ұсталған туыстарын іздеу бойынша 18 арыз. Әрбiр арызданушыға ұстау себептерi, бұзушылықтың мәнi және олармен сөйлесе алатын ұстау орны түсiндiрiледi.
Әрбiр арызданушыға ұстау себептерi, бұзушылықтың мәнi және олармен сөйлесе алатын ұстау орны түсiндiрiледi. Ұялы телефондарды тексерудің 28 фактісі анықталды, телефондардың барлығы 255 (терроризм актісі), 269 (ғимараттар мен құрымымдарға шабуыл жасау), 273 (жаппай тәртіпсіздіктер) баптары бойынша сотқа дейінгі тергеу шеңберінде тәркіленді», — деді Ораз.
Сонымен қатар, ол «рұқсат етілген тексеруден кейін олардың мүлкі қайтарылады. Жоғарыда аталған фактілер бойынша қызметтік тергеу жүргізілуде».