Нұр-Сұлтан-Қарағанды тас жолында болған жол апатынан 36 жастағы әйел қаза тапты
Елордалық полиция департаментінің хабарлауынша, ЖКО таңертең сағат 09:42-да орын алған.
«Toyota Yaris маркалы автокөлігінің 36 жастағы жүргізушісі Нұр-Сұлтан-Қарағанды тас жолымен жүріп келе жатып, рөлді басқара алмай, қарсы қозғалыс жолағына шығып, «IVECO CROSSWAY» маркалы маршруттық автобусымен соқтығысқан. Жол апаты салдарынан «TOYOTA YARIS» маркалы автокөлігінің жүргізушісі алған жарақатынан оқиға орнында көз жұмды. Автобус жолаушылары зардап шеккен жоқ», — деп хабарлады Нұр-Сұлтан ПД баспасөз қызметі.
Ведомстводағылар атап өткендей, аталған факті бойынша қылмыстық іс қозғалды