Гидрометеорологиялық орталықтың хабарлауынша, бүгін, 2021 жылғы 29 қарашада Қазақстанда ауа райы жылы және құрғақ болады деп күтіледі.
Батыс Қазақстан облысында аздаған қар жаууы мүмкін. Оңтүстік-шығыстан, оңтүстік-батыстан 1-3 м/с жылдамдықпен жел соғады, екпіні 8 м/с жетеді.
Солтүстік және орталық облыстарда түнде -17… -9 °С, күндіз ауа температурасы -11… -5 °С болады.
Еліміздің батысында ауа температурасы түнде -9… + 3 °С, күндіз термометр бағаны -2… + 11 °С шамасында болады.
Еліміздің шығыс бөлігінде түнде -11… -7 °С дейін, күндіз ауа температурасы -10… -2 °С дейін көтеріледі.
Республиканың оңтүстігінде түнде -7… -1 °С болады, күндіз ауа температурасы + 5… + 13 °С дейін жылынады.