Қазақстандық диссидент Арон Атабек қайтыс болған жеке меншік клиникада марқұмның ауруханаға жатқызылғанға дейінгі және жатқызылғанда денсаулық жағдайы мен неден қайтыс болғаны туралы толық мәлімет берді.
Арон Атабектің жақындары түрмеден шыққаннан кейін оның жағдайы ауыр екенін мәлімдеді. Артынан оның коронавирустық инфекцияға шалдығып, өкпесі қабынғаны анықталды.
Арон Едігеев (Атабек) жатқан «Медициналық көмек орталығы» ЖШС бас директоры да науқастың қайтыс болғаны хабардар етті.
Хабарланғандай, Атабек 14 қазан күні таңертең жансақтау бөліміне ауыр халде «аса ауыр дәрежедегі коронавирустық инфекция» диагнозымен түскен.
Дәрігерлер Атабектің клиникаға қандай халде түскенін және қалай емделгенін айтты.
Түсірілген КТ бойынша өкпенің 40% екі жақты зақымдануы анықталды. Ауруханаға түскен кезде қанның оттегімен қанығуы 79%-ды құрады. Оттегі қосылғаннан кейін қанығу 93-96%-ға дейін көтерілді.
«Науқастың жағдайы 5-14 қазан аралығында жеке тұлғалардың үй жағдайында қабылдаған ем-домы Қазақстанда қабылданған Covid-19 диагностикасы мен емдеу хаттамасын бұза отырып жүргізілгенін көрсетті. Бұл «МКО» ЖШС-ге қабылдау кезінде алынған талдаулардың нәтижелері растайды: лейкоцитоз және С-реактивті ақуыздың жоғарылауы (қабыну процесі), цитолиз (бауыр жасушаларының бұзылуы), Д-димер (қанның ұюы) және т.с.с.
Клиникадағылар науқастың диагностикалық шаралардан, атап айтқанда құрсақ қуысының УДЗ және ЭКГ-дан бас тартқандықтан қосымша емдік шараларды тағайындауға мүмкіндік болмағанын атап өтілді. Бұл туралы оның жақын туыстарына хабардар етілді.
«Осыған байланысты науқастың жағдайы тыныс алу және жүрек жеткіліксіздігі, энцефалопатия (ми қызметінің бұзылуы) көріністерімен тез нашарлай бастады. 20 қазан күні кешке науқастың тыныс алу және жүрек соғу жиілігінің күрт төмендеп, қандағы оттегі деңгейі 48%-ға дейін нашарлады, комаға түсті. Осыған байланысты науқас ӨЖЖ аппаратына қосылды», — делінген хабарламада.
Науқастың жағдайына байланысты реаниматолог, невропатолог, инфекционист, пульмонолог, кардиолог дәрігерлермен бірнеше рет кеңес өткізді. Сонымен қатар, кеңес беру үшін Алматыдағы штаттан тыс инфекционист және қаланың штаттан тыс бас неврологы шақырылды.
11 қарашада Арон Едігеевтің (Атабектің) жағдайы жақсарды. Ол Бобров аппараты арқылы өздігінен тыныс алуға ауыстырылды. Алайда 13 қарашада ол тыныс алу жетіспеушілігінің күшеюіне байланысты қайтадан ӨЖЖ-ге қосылды.
24 қараша күні сағат 16:30-да науқастың асистолиялық қан айналымы тоқтады. Клиника дәрігерлері реанимациялық шаралар өткізді, бірақ жүрек жұмысын қалпына келтіру мүмкін болмады. Сағат 20:45-те биологиялық өлім туралы хабарланды.
Алматы қаласы қоғамдық денсаулық басқармасы Арон Атабектің коронавирустық инфекцияны жұқтырғаны 5 қазанда анықтағанын, алайда ол ауруханаға жатудан бас тартқанын хабарлады. Сонымен қатар, №17 қалалық емхананың мобильді бригадасының білікті медициналық көмектен құжаттық бас тартуы бар.
Алматы қаласы ҚДБ және «МКО» ЖШС Арон Атабектің туыстары мен жақындарына көңіл айтты.
Арон Атабек Арқалық түрмесінде екі рет жазалаған
2021 жылдың 1 қазанында Алматыдағы Шаңырақ ықшам ауданында жаппай тәртіпсіздік ұйымдастырды және полицейдің өлтірді деген айыппен сотталған ақын Арон Едігеев (Атабек) денсаулығына байланысты түрмеден шығарылған.
Арон Атабек түрмеде болған жылдар бойы Алматыдан алыс орналасқан түрмелерде болды. 2014 жылдың сәуірінен бастап ол Қарағанды облысы Қаражал қаласындағы колониядан этаппен Павлодар тергеу изоляторына жіберілді. Атабекті екі рет Қостанай облысы Арқалық қаласындағы өмір бойына бас бостандығынан айырылғандар жазасын өтеп жатқан «жабық» түрмеге салып жазаланды.
2010 жылы Арон Атабекке «Тұтқындағы өнер иесі» номинациясы бойынша Freedom to Create халықаралық сыйлығы берілді. Сыйлықты Каир қаласында Атабектің туыстарына табыс етілген.
Арон Атабек түрмеде 16 жылға жуық уақыт отырды.