Қазақстан Президенті Қасым-Жомарт Тоқаев заңға түзетулер енгізді, оған сәйкес үкіметтің бірқатар функциялары министрліктерге беріледі.
Басқару деңгейлері арасындағы өкілеттіктердің аражігін қайта бөлу бойынша жүргізіліп жатқан саясаттың сабақтастығын қамтамасыз етуге бағытталған заңда 46 заңнамалық актіге, оның ішінде екі кодекс пен 44 заңға түзетулер енгізу көзделеді.
Енгізілген түзетулерге сәйкес:
үкіметтен министрліктерге 68 функция;
жергілікті атқарушы органдарға — бес функция.
Атап айтқанда, Ұлттық экономика министрлігіне стратегиялық жоспарды іске асыру туралы есепті ұсыну және жасау тәртібін айқындау жөніндегі функция беріледі.
Денсаулық сақтау министрлігі — ядролық сынақтармен байланысы бар деп танылуы мүмкін аурулар тізбесін бекіту.
Еңбек және халықты әлеуметтік қорғау министрлігіне — экономикалық қызмет түрлерін кәсіптік тәуекел сыныптарына жатқызу тәртібін бекіту.
Қаржы министрлігіне — аудиторлық қызметті лицензиялау кезінде қойылатын біліктілік талаптарын бекіту, сертификаттау жөніндегі кәсіби ұйымдар куәліктерінің нысандарын және оларды аккредиттеу ережелерін бекіту.
БҒМ — халықтың тығыздығы мен елді мекендердің қашықтығына байланысты білім беру ұйымдары желісінің кепілдік берілген мемлекеттік нормативін бекіту.
ҰЭМ басшысы Әсет Ирғалиев заңды қабылдау мемлекеттік басқарудың тиімді жүйесін қалыптастырудағы кезекті қадам болатынын және оның дербестігін одан әрі арттыруға ықпал ететінін атап өтті.