Қазақстанда өткен сегіз айдың ішінде күріш бағасы арзандады.
Биыл елімізде 164,9 мың тонна күріш өндірілді, бұл өткен жылғымен салыстырғанда 10%-ға артық.
Өңірлер бойынша Қызылорда облысы көш бастап тұр: 150,5 мың тонна, бір жылда 5%-ға өсті. Түркістан облысында 7,5 мың тонна, Алматы облысында 6,9 мың тонна өндірілді, — делінген жарияланымда.
Сегіз айдың қорытындысы бойынша, жергілікті компаниялар күрішке сұранысты (бұрын ішкі нарықта және экспорт) 97,8%-ға толықтай қамтамасыз етті.
Өндіріс өсуі аясында импорт осы кезеңде бірден 36,5%-ға, 3,4 мың тоннаға дейін қысқарды.
Сонымен қатар күріш экспорты, керісінше, 7,6%-ға, 69,1 мың тоннаға дейін өсті, Ресурстардың жалпы көлеміндегі экспорт үлесі 45,5%-ды құрады. Нәтижесінде ішкі нарықта сату 82,7 мың тоннаға жетті, бұл бір жыл бұрынғы көрсеткіштен 7 пайызға артық, — делінген хабарламада.
Қаңтар-тамыз айларында экспортқа 20,2 млн долларға 70 мың тонна күріш экспортталды. Өсім 7%, ақшалай табыс — 12,3%-ды құрады.
Күріштің негізгі көлемі ТМД елдеріне жіберілді. Жыл басынан бері бұл елдерге 68,3 мың тонна күріш экспортталды, бұл өткен жылмен салыстырғанда 7,2%-ға көп. Қазақстандық күріштің негізгі импорттаушылары Өзбекстан (25,3 мың т), Тәжікстан (17,2 мың т) және Ресей (14,7 мың т) болды.
ТМД құрамына кірмейтін елдерге 1,7 мың тонна күріш жіберілді — өткен жылмен салыстырғанда 2,2%-ға аз. Негізгі импорттаушылар Моңғолия (1,2 мың тонна) және Ирак (419 тонна) болды.
Қазан айында еліміздің дүкендері мен базарларында күріштің бір келісі 367 теңгеден сатылды — өткен жылмен салыстырғанда 2,2%-ға арзан.
Қазақстан Республикасының ірі қалалары мен мегаполистерінің ішінде күріш ең қымбат қала Нұр-Сұлтан болды. (кг 465 теңге), ең арзаны Петропавлда (кг 290 теңге) тіркелді.
Өңірлер бойынша баға өсімі төрт облыста байқалды: Атырау (бір жылда 6,2%), Қарағанды (6%) және Маңғыстау (4,2%) облыстарында, сондай-ақ елордада (0,7%), — деп хабарлады сарапшылар.
Қалған 13 өңірде бағаның төмендеуі тіркелді.
Күріш бағасы Батыс Қазақстан облысында (0,2%) арзан, ең арзаны Солтүстік Қазақстан облысында (бірден 10,8) тіркелді.
