ГФР канцлері Ангела Меркельге және елдің Министрлер кабинетінің мүшелеріне 26 қазанда өкілеттік мерзімі аяқталғаны туралы грамота табыс етіледі.
Рәсімнен кейін ГФР канцлері үкімет басшысының міндетін атқарушы болады.
Ел президенті Франк-Вальтер Штайнмайер өкілеттік мерзімі аяқталғаны туралы грамоталарды Германия үкіметінің мүшелеріне тапсырады.
Олар жаңа министрлер кабинеті құрылғанға дейін қызмет атқарады. Бұл туралы жұма күні ГФР министрлер кабинетінің өкілі Ульрике Деммер мәлім етті.
«26 қазанда канцлер Бундестагтың құрылтай отырысына қатысады. Өздеріңіз білетіндей, ол 20 шақырылымның [парламент] мүшесі болмайды», — деді Деммер. «Содан кейін Бельвю сарайында президент канцлер мен министрлерге өкілеттік мерзімі аяқталғаны туралы грамота табыс етеді», — деп хабарлады Деммер. Ол Меркельдің үкімет басшысының міндетін атқарушы болып қызмет атқаратынын айтты.
Бейсенбі күні Германияның Социал-демократиялық партиясы (ГСДП), «жасылдар» және либералды Еркін демократиялық партия (ЛЕДП) жаңа министрлер кабинетін құру мәселесі бойынша коалициялық келіссөздерді бастады. ГСДП бас хатшысы Ларс Клингбайль хабарлағандай, қарашаның соңына қарай коалициялық келісім жасайды, ал 12 желтоқсанға дейін Олаф Шольц ГФР жаңа канцлері болып сайлануы керек.
ГФР-да өткен сайлау қорытындысы
Христиан-демократиялық және Христиан-әлеуметтік одақтардың консервативтік блогы (ХДО/ХӘО) бар болғаны 24,1% дауыс жинады, бұл олар үшін ең нашар нәтиже болды. Еркін демократиялық партия 11,5%, «Союз-90»/«жасылдар» — 14,8%, «Германия үшін балама» — 10,3% дауыс жинады. Сондай-ақ, Бундестагта үш тікелей мандаттың арқасында 4,9% дауыспен Солшыл партия өтті.
Келіссөздер жоспарына сәйкес, Меркель 1982 жылдың 1 қазанынан 1998 жылдың 26 қазанына дейін, яғни 5 869 күн билік басында болған экс-канцлер Гельмут Кольдің рекордын жаңарта алмайды. Меркель осы көрсеткішке жетуі үшін 17 желтоқсанға дейін билікте болуы керек.