Алматыда Әл-Фараби даңғылының бойында жол-көлік оқиғасы орын алды. Жароков көшесінің бұрылысында бетон араластыратын көлік аударылып кетті.
Жол апаты әл-Фараби даңғылы мен Жароков көшесінің қиылысында болды. Бетон араластыратын көлік жол айрығынан айналып, «Қазақфильм» шағын ауданына қарай жүріп бара жатқан. Ол бұрылыста көлікті басқара алмай, көлік бір бүйіріне қарай аударылып кетті.
Жол апатынан ешкім зардап шеккен жоқ. Полиция қызметкерлері оқиға орнында жұмыс істеп жатыр.
Жол апаты болған жерде ұзын-сонар кептеліс пайда болды.