Малайзияның Жоғарғы билеушісі Абдулла Әл-Мұстафа, 2021 жылғы 20 тамызда Біріккен малай ұлттық ұйымының вице-президенті (жаңа БМҰҰ) Исмаил Сабри Якобтың Премьер-министр лауазымына тағайындады.
Бұған дейін оның кандидатурасын парламент депутаттарының басым бөлігі қолдағаны хабарланған болатын.
«Ол сенбі күні Малайзияның тоғызыншы премьер-министрі ретінде ант береді», — делінген хабарламада. «Ұлы мәртебелі осы тағайындау саяси дағдарысқа нүкте қояды деп үміттенеді, депутаттар халық пен елдің мүддесі үшін коронавирус пандемиясына қарсы күресте бірігу үшін саяси амбициясынан бас тартады», — деп атап өтті әкімшіліктегілер. «Ел денсаулық сақтау саласында елеулі проблемаларға және экономикалық құлдырауға тап болған саяси дағдарыс салдарынан қоғам қысым көрмеуі тиіс», — делінген корольдік сарай әкімшілігінің мәлімдемесінде.
Осыған дейін қорғаныс министрі, вице-премьер қызметін атқарған Исмаил Сабри бейсенбі күні король оның кандидатурасын ұсынғаннан кейін парламент депутаттарының басым бөлігі оны қолдады.
Бұрынғы премьер Мұхиддин Яссин 16 тамызда парламентте жақтастары азайғанын айтып, отставкаға кетті. Конституцияға сәйкес, король депутаттардың көпшілігі қолдайтын кандидатураны өзі таңдай алады. Олай болмаған жағдайда жоғарғы билеуші парламентті таратып, 60 күннің ішінде жалпыға бірдей сайлау өткізеді. Сонымен қатар, корольдік сарай әкімшілігі коронавирус пандемиясына байланысты сайлау өткізуге болмайтынын мәлімдеді.
Мұхиддин дәл осындай жағдайда премьер болып тағайындалған. 2018 жылғы мамырда өткен сайлауда жеңіске жеткен сол кездегі үкімет басшысы Махатхир Мохамад былтыр ақпан айында отставкаға кетті.