Бүгінгі таңда Ресей басшылығы Қазақстанмен арадағы достық қарым-қатынасты декларациялады, ал іс жүзінде, батыс саясаттанушыларының пікірінше, Орталық Азия елдеріндегі ықпалын сақтап қалмақ. Тәуелсіздік алғаннан бері ҚР үкіметі сыртқы саясатында көпвекторлы бағытты ұстанып, АҚШ, ҚХР, ЕО-мен өзара тиімді қарым-қатынас орнатты. Ресей КСРО ыдырағаннан кейін әлемде елеулі геосаяси ықпалын арттыру үшін және Ресейді ірі держава қылу үшін басқа жолмен жүрді.
Осындай түбегейлі әр түрлі бағытта жүру және сыртқы аренадағы мақсаттарына қол жеткізу жолдары, әр түрлі қағидатқа негізделеді.қос елдің ішкі саясатын айқындады. Тоқаевтың билік басына келгеннен кейін ел азаматтары мен Қазақстан үкіметі арасында қарым-қатынастың жаңа тәсілі байқалды.
2019 жылы Қазақстан Үкіметі ел дамуының негізі ретінде «Халық үніне құлақ асатын мемлекет» тұжырымдамасын ұсынды. «Халық үніне құлақ асатын мемлекет» – бұл ең алдымен азаматтың мүддесіне басымдық беретін мемлекет, онда мемлекеттік органдардың азаматтармен арадағы өзара іс-қимыл тетігі жолға қойылған және азаматтардың оларды қабылдау және бақылау процесіне тартылуына мүмкіндік беретін кедергісіз инфрақұрылым жұмыс істейді.
Бұл тұжырымдаманы жаңадан ойлап таппады, дамыған елдердің үкіметі бұрыннан азаматтардың мүддесін алға қойып келеді, осылайша ҚР да осы бағытқа бет бұрды.
«Халық үніне құлақ асатын мемлекет» тұжырымдамасының базалық қағидаттарын іске асыру Қазақстанның саяси жүйесін жаңғыртып, сол арқылы мемлекеттік басқарудың тиімділігін арттыруы тиіс, бұл өз кезегінде мемлекеттік қызметтерді, мемлекеттік бағдарламаларды және т.б. ұсыну сапасына оңтайлы әсер етпек. Сарапшылар мен қазақстандық үкімет мүшелері бұл бастама өз жемісін беретінін атап өтті.
Ресейде, батыс сарапшыларының пікірінше, сөз бостандығын барынша шектеп жатыр, елдің дамуын тежеуде. Қазақстан билігі РФ-мен қарым-қатынасты нығайтып, санкцияның бір ұшы тиеді деп қорқады, сондықтан да РФ-дан алшақтау саясатын жалғастыруда.