Бүгін журналистерге арналған брифингте жайлы қалалық орта басқармасының басшысы бұл ұйым инфекциялық стационарлардағы медициналық қалдықтарды кәдеге жаратумен айналысатынын айтты.
Сапар Нұрашев Алматы қаласы Алатау ауданында орналасқан Патологоанатомиялық бюро жанынан жұмыс істейтін крематорийдің құрылыс жұмыстары жүргізіліп жатқанын айтты. Ол ЖЭО-2 маңында салынады және 2021 жылдың қыркүйегінде аяқталады.
«Пандемия кезінде маскалар, қорғаныш костюмдері, ПТР-тестілерді алуға арналған құралдар сияқты аса қауіпті медициналық қалдықтар көбейді. Мұндай жағдайда қалдықтарды арнайы пештерде өртеу жолымен кәдеге жаратуға болады, осыған байланысты крематорий салу туралы шешім қабылданды. Крематорий қайтыс болғандардың денелерін өртеу үшін де пайдаланылады. Пандемия кезінде бізде инфекциядан шетелдік азаматтар қайтыс болды, ал олардың туыстары денесін өртеуді сұрады, себебі шектеу шаралары жағдайында оларды елден шығару қиындай түсті», — деп атап өтті Сапар Нұрашев.
Басқарма басшысының айтуынша, нысан ағымдағы жылдың қыркүйек айында пайдалануға беріледі.