12 наурызда ресейлік оппозиционер Алексей Навальныйдың No 3 тергеу изоляторынан этаппен жөнелтілгені белгілі болды
Батыс саясаттанушылары соңғы айлардың ішінде Алексей Навальныйға қатысты жағдайды Владимир Путин бастаған Ресей билігі оппозиция тарапынан сынға ұшыраудан қатты қорқатынын айқын көрсетіп отыр деп есептейді.
Еуропаның адам құқықтары жөніндегі соты бірнеше рет оппозиционердің дереу босатылуын талап етіп, оның өміріне қауіп төніп тұрғанын мәлімдеді. Алексей Навальный қылмыстық құқық бұзушылық үшін нақты мерзімге бас бостандығынан айырылған Ресейдің ең танымал оппозиционері болып табылады.
Алексей Навальныйды босату туралы ЕАҚС-ның барлық талабына Ресей үкіметі оппозиционерге қатысты ешқандай конституциялық құқықтары мен негізгі бостандықтары бұзылмағанын мәлімдеді.
БҰҰ кеңесі Ресейді Навальныйды босатуға шақырды. Польша өкілі оппозиционерді босату туралы мәлімдеме жасады, оны бірқатар ЕО елдері, сондай-ақ АҚШ, Канада, Жапония және Австралия қолдады. Жалпы 45 мемлекет Алексей Навальныйды қудалау саяси сипатқа ие дегенге келісті және оны тез арада босатуға шақырды. Сондай-ақ, Ресейдегі қыста болған наразылық шараларына қатысушыларды қудалау мәселесі қозғалды. БҰҰ кеңесінің мүшелері Ресей үкіметін қудалауды тоқтатуға шақырды.
Алексей Навальныйдың қамауда отырғанына қарамастан, ол Ресей Федерациясының ең ықпалды саясаткерлерінің бірі болып қала береді. Ол өз жақтастарымен байланысы үзілсе де, оның саяси күшіне нұқсан келмеді.