«Қазгидромет» РМК бүгін қазақстандықтарды қандай ауа райы күтіп тұрғанын айтты.
Қазақстанның басым бөлігінде Солтүстік-Батыс циклонының өтуімен құбылмалы ауа райы сақталады, жаңбыр және қар түрінде жауын-шашын болады, ҚР-ның оңтүстігінде қатты жауын-шашын күтіледі, кей жерлерде тұман, көктайғақ, жел күшейеді, жаяу бұрқасын болады, — деп хабарлады ведомство.
Қостанай облысында жел 15-20 м/с жылдамдықпен соғады, екпіні 23 м/с дейін күшейеді, кей жерлерде тұман, көктайғақ, бұрқасын күтіледі.
Ақмола, Павлодар облыстарында түнде кей жерлерде, күндіз басым бөлігінде жел 15-20 м/с жылдамдықпен соғады, күндіз екпіні 23 м/с күшейеді, Ақмола облысының кей жерлерінде жаяу бұрқасын, Павлодар облысының кей жерлерінде көктайғақ күтіледі.
Солтүстік Қазақстан облысында түнде кей жерлерде, күндіз басым бөлігінде жел 15-20 м/с жылдамдықпен соғады, күндіз екпіні 25 м/с күшейеді, кей жерлерде тұман, бұрқасын, күндіз көктайғақ күтіледі. Ақтөбе облысында кей жерлерде жаяу бұрқасын, тұман, көктайғақ болады, жел 15-20 м/с күшейеді.
Жамбыл, Қызылорда, Атырау облыстарының кей жерлерінде тұман түсіп, көктайғақ күтіледі, жел 15-20 м/с күшейеді, Жамбыл облысында желдің екпіні 23 м/с жетеді.
Қарағанды, Шығыс Қазақстан облыстарының кей жерлерінде тұман түседі, жел 15-20 м/с күшейеді, күндіз кей жерлерде көктайғақ болады, Қарағанды облысында кей жерлерде жаяу бұрқасын болады.
Алматы, Түркістан, Батыс Қазақстан облыстарының кей жерлерінде тұман түсіп, көктайғақ болады, күндіз кей жерлерде жел 15-20 м/с күшейеді.
Маңғыстау облысында түнде және таңертең кей жерлерде көктайғақ күтіледі, күндіз кей жерлерде жел 15-20 м/с күшейеді.