Қазақстанда «Қазақстан Республикасындағы сайлау туралы» заңға түзетулер енгізілді. Енді қала, ауыл және аудан әкімдерінің тікелей сайлауын енгізу мүмкін.
Реформа 2345 әкімшілік-аумақтық бірліктің әкімдеріне қатысты, оның ішінде 836 әкім ағымдағы жылғы екінші жартыжылдықта тікелей дауыс беру арқылы сайланады», — деді ол мәжілістің жалпы отырысында.
Оның айтуынша, мемлекеттік қызмет туралы заңнамадағы біліктілік талабына сәйкес келетін 25 жастан кіші емес Қазақстан азаматы әкім болып сайлана алады.
Сайлауға саяси партиялар ұсынған кандидаттар мен дауыс беруге құқығы бар сайлаушылардың жалпы санының кемінде 1%-інің қолын жинаған өзін-өзі ұсынушылар қатыса алады.
Ұсынылған кандидаттар болмаған не бір ғана адам ұсынылған жағдайда, аудан (облыстық маңызы бар қала) әкімі тиісінше екі не бір кандидатты ұсынуға құқылы
«Заң жобасында барлық кандидаттар үшін ең төменгі 1 жалақы мөлшерінде сайлау жарнасын енгізу көзделген. Сайлау 40 күн бұрын жарияланады, ал сайлаудың өзі қазіргі әкімнің өкілеттік мерзімі аяқталуға 10 күн қалғанда өткізіледі. Сайлаудың қорытындысы сайлау өткізілгеннен кейінгі үш күн ішінде шығарылады. Өз кезегінде сайланған әкім халыққа жүргізіліп жатқан жұмыстар үшін есеп береді», — деп түйіндеді ҰЭМ басшысы.
Құжатта сондай-ақ Парламент Мәжілісіне сайлау кезінде саяси партиялардың өту шегін 7%-тен 5%-ке дейін төмендету қарастырылып отыр. Барлық деңгейдегі сайлау бюллетеньдеріне «Барлығына қарсы» деген баған қосылады.