Германия мен Жапонияның қорғаныс ведомстволарының басшылары келіссөздерде «екі плюс екі» форматында кездеседі.
Бұл туралы сейсенбі күні Токиода өткен баспасөз мәслихатында жапондық қорғаныс ведомствосының басшысы Ясукадзу Хамада хабарлады.
Оның айтуынша, келіссөздер «ішінара бетпе-бет, ішінара онлайн-форматта» өтеді. Германиядағы Үлкен жетілік тобының министрлік отырысына қатысатын Жапонияның сыртқы істер министрі Есімаса Хаяси мен оның әріптесі Анналена Бербок кездеседі. Хамада мен Германияның Қорғаныс министрі Кристина Ламбрехт бейнебайланыс арқылы қосылады.
Хамада атап өткендей, тараптар Украина төңірегіндегі жағдай жөнінде пікір алмасады. «Біз сондай-ақ Солтүстік Кореяның ядролық және зымыран проблемаларына жауап беру және қос ел арасындағы ынтымақтастықты одан әрі нығайту мәселесін талқылаймыз», — деп қосты жапон министрі.
Жапония мен Германия СІМ және Қорғаныс министрлігінің соңғы кездесуі былтыр сәуір айында онлайн форматта өтті.