Бүгін, 25 наурызда «Қазгидромет» мамандары еліміздің көптеген өңірлерінде жайсыз ауа райы болатынын ескертті.
25 наурызда Ақтөбе облысының кей жерлерінде көктайғақ, жая бұрқасын күтіледі. Шығыстан, солтүстік-шығыстан жел кей жерлерде секундына 15-20 метр жылдамдықпен соғады.
Батыс Қазақстан облысының көптеген аудандарында да тұман түсіп, көктайғақ болады. Солтүстік-шығыстан секундына 20 метр жылдамдықпен жел соғады.
25 наурызда Қостанай облысында тұман түсіп, көктайғақ, бұрқасын соғады деп болжанады. Оңтүстік-батыстан соққан жел солтүстік-шығысқа ауысып, кей жерлерде жел секундына 15-20 метр жылдамдықпен соғады.
Атырау облысында, соның ішінде Атырау қаласында күндіз қатты жауын-шашын — қар және жаңбыр жауады. Синоптиктер бұл аймақта көктайғақ болады деп отыр. Шығыс және солтүстік-шығыстан соғатын желдің екпіні секундына 23 метрге дейін жетеді.
«Қазгидромет» РМК мәліметінше, 25 наурызда Маңғыстау облысында найзағай ойнап, тұман түседі. Солтүстік-батыстан жел соғады, кей жерлерде жылдамдығы секундына 15-20 метр.
25 наурызда Түркістан облысының кей жерлерінде найзағай ойнайды. Оңтүстік және оңтүстік-батыстан соққан желдің жылдамдығы секундына 20-25 метрге жетеді.
Дәл осы күні Қызылорда облысында метеорологтар найзағай ойнап тұман түседі деп күтілуде. Шығыстан, солтүстік-шығыстан кей жерлерде секундына 15-20 метр жылдамдықпен жел соғады.
Ақмола облысының кей жерлерінде тұман түсіп, көктайғақ болады.
«Қазгидромет» мәліметі бойынша, 25 наурыз күні Қарағанды облысында, соның ішінде Қарағанды қаласында тұман түседі. Күндіз кей жерлерде көктайғақ және жаяу бұрқасын соғады. Оңтүстік-шығыс және оңтүстік-батыс соғатын жел секундына 15-20 метрге жетеді.
Естеріңізге сала кетейік, Нұр-Сұлтанда бір тәулік ішінде бір айлық нормадан көп қар жауған болатын. Жүздеген арнайы техника қала көшелерін қардан тазалады. Елордада ауа райының қолайсыздығына байланысты 75 жол апаты болды.
«Қазгидромет» синоптиктері наурыз айының соңында туралы қалың қар жауатыны туралы ескерткен болатын.