Коронавирустық инфекцияны анықтау және емдеу қызметін жүзеге асыратын мекемелерде жұмыс істеген дәрігерлерге шілде айына өтемақы төленді. ҚР Медициналық сақтандыру қоры үстемеақы ретінде берген жалпы сома 24 млрд теңгені құрады.
Әлеуметтік медициналық сақтандыру қоры шілде айында COVID-19 қарсы күреске тартылған дәрігерлерге 24 млрд теңгенің үстемақысын төледі, деп хабарлады қордың баспасөз қызметі.
Ай сайын қауіпті жағдайда инфекциямен жұмысқа тартылған дәрігерлер саны артып келеді. Егер маусым айында медициналық қызметкерлерден 53 мыңнан астам адам үстемеақы алса, шілдеде олардың саны 78 мыңға дейін артты “, – делінген хабарламада.
Қауіп тобына байланысты медициналық қызметкерлерге қосымша ақы төлеу ең төменгі жалақының 5-тен 20-ға дейін – 212-ден 850 мың теңгеге дейін құрайды.
“ҚР Денсаулық сақтау министрлігі қазіргі уақытта бұйрыққа өзгерістер енгізуде. Олар жалақыға үстеме ала алатын медицина қызметкерлерінің санатын кеңейтуді көздейді. Ең алдымен, бұл мобильді бригадалардың жұмысына жұмылдырылған медицина қызметкерлеріне қатысты болады “, – деп толықтырды МӘМС.
Коронавируспен ауырған медицина қызметкерлеріне өңірлік комиссиялардың шешімі негізінде өңірлердің денсаулық сақтау басқармаларының өтінімдері бойынша Еңбек және халықты әлеуметтік қорғау министрлігі үстемеақы төлейді.
